Disclaimer:

This is a fictional piece that resulted from the imagination of the writer (author-artist; available on Webtoon and Tapas too). Any similarity to existing names, characters, people, living or dead, actual events, businesses, and incidents is completely coincidental. Lastly, content piracy is an illegal act and is punishable by the law.

<Santi's POV>

Siya yung babaeng taga-kabilang section. Lagi nalang, mula kindergarten, inabot hanggang high school, ni walang mintis, ni walang pag-asa. Siya rin yung hinahangaan ko. Lagi nalang, mula kindergarten, inabot hanggang high school, ni walang mintis, ni walang pag-asa. Siya nga... siya na nga ba? Siya lang ba talaga? Bakit? Ano bang meron sa kanya? At paano ko ba siya nakilala eh, 'di nga kami magkaklase, diba?

Binigyan ako ng pagkakataon ng Diyos na makilala siya sa pamamagitan ng mga patimpalak sa paaralan. Magka-batchmates kami. Heto pa, isa kami sa mga pambato ng aming Alma Mater, at sabay-sabay naming natagumpayan ang kampeonato, kasama ang iba pa naming pambato sa iba't-ibang larangan at tunggalian sa loob o labas man ng eskwelahan.

Ngunit,

Maipapanalo ko rin ba ang makatuluyan Siya? O ako ang tuluyan...

mawalan ng lakas ng loob na makamtan siya? Ano raw?! Ang gulo gulo mo Santi. Pero, ito ang araw na pinakahihintay ko sa lahat; ang pagtatapos (graduation) namin!

Hindi lang dahil ito ang wakas, kundi dahil na rin, sa wakas, tatanungin ko na siya kung pwede ko ba siyang ligawan. Batid ko'y, siya yung tipong 'studies first' ika-nga, kaya minabuti kong ipagpaliban muna ang paanyayang panliligaw sa kanya, ngunit ito na ang araw na hindi pwedeng lumipas na hindi man lang naibigkas ang nais ko mula't mula pa. Eh baka kasi ito na yung huling araw na magkikita kami, lubos-lubusin ko na!

Siya nga pala, isa akong pintor na lumalahok sa mga Sining Biswal na mga paligsahan. Malaking tulong 'to na makatakas sa mga pagsusulit; (bakit 'di na lang isinabay pati mga exams... ano ba yan nag-eensayo rin ang tao). Siya naman yung matinik sa Matematika. Kapag siya raw ang pambato, uwian na, lampaso lahat ng kalaban sa mga quizbees panigurado (galing talaga ni crush lodi).

Isang malaking karangalan ang makapag-aral sa Seignthood University bilang isang iskolar. Lahat ng mga pambato ay nagagawaran din ng scholarship!

Huwag na nating patagalin pa. Ako'y sabik na sabik ng tanungin siya pero hindi ko alam kung kakayanin ko ba. Sa katunayan, isa din sa mga rason; ang pinaka-una sa lahat ng dahilan kung bakit ngayon pa ay dahil torpe ako pagdating sa kanya, at sa kanya lang, at lumabas na rin ang katotohanan. 'Di bale na, siya rin lang naman ang hinahangaan ko mula noon hanggang ngayon. Hindi ko nga maintindihan paano nagkakaroon ng maraming crush ang ibang tao, o siya, tara na! Wala ng atrasan, milyong beses ko ng pinaghahandaan ang sandaling ito, mas kakayanin ko pang ma-reject kaysa mag-regret! Sugod!

Ang komiks nito ay nasa Webtoon at Tapas na! (tunghayan din ang nobelang ito sa Wattpad)