*ಕದರಿ ಮಹಾತ್ಮೆ * 

*ರಾಗ ಸಿಂಧುಭೈರವಿ* 

*ಧ್ರುವತಾಳ* 

ಜಗದೊಳಗಿದಕೆಲ್ಲಿ ಮಿಗಿಲುಗಾಣೆನೊ ಸರ್ಪ |

ನಗದ ಪ್ರದೇಶ ಇದರ ಅಗಲಾ ಸುತ್ತ ಯೋಜನ |

ಯುಗಯುಗದಲ್ಲಿ ಯಾತ್ರೆಗಳ ಮಾಡಿದ ಪುಣ್ಯ |

ಹಗಲೊಂದು ಕ್ಷಣವಿಲ್ಲಿ ಸುಗುಣನಾಗಿ ಇರಲು |

ಅಗಣಿತದಲ್ಲಿ ಭಕ್ತಗೆ ತಂದು ಕೊಡುವದೂ |

ನಿಗಮಾಸನ್ನುತ ಹರಿ ಮೊಗನ ಹಗೆಗಳಿಗಿಲ್ಲ |

ಖಗರಾಜಾನಿಲ್ಲಿ ತಪಸಿಗನಾಗಿ ಕೃಷ್ಣನ |

ಹೆಗಲಲ್ಲಿ ಪೊತ್ತು ತಿರಗುವ ವರವನ್ನು ಪಡೆದು |

ಪೊಗಳಿದ ಜನ ಕಣ್ಣಿಗೆ ಸುಳಿವ ಸುಲಭಾ ನರ - |

ಮೃಗರೂಪ *ವಿಜಯವಿಠ್ಠಲಾ* ಕದರಿನಿವಾಸ |

ಬಗೆಬಗೆಯಿಂದ ಚನ್ನಿಗನಾಗಿ ಮೆರೆವ ॥ 1 ॥

*ಮಟ್ಟತಾಳ* 

ಪ್ರಹ್ಲಾದಗೆ ಮೆಚ್ಚಿ ಶ್ರೀಹರಿ ಉದುಭವಿಸಿ |

ಅಹಿತ ದಿತಿಸುತನ ಆವಹದೊಳು ಕೊಂದು |

ಸಾಹಸವುಳ್ಳ ಸುರರ ದಾಹನ ಮಾಡುವೆನೆಂದು |

ಅಹೋಬಲದಿಂದ ಈ ಮಹಿಯೊಳಗೆ ಸ್ತೋತ್ರ |

ಮಹಿಧರಕೆ ಬಂದು ವಹಿಲದಲ್ಲಿ ಕೆಡಹಿ

ಖಳರ ಕೊಂದೂ ಗಹಗಹಿಸಲು 

ವಾರಿರುಹ ಭವಬಂದು ಬಿನ್ನಾಹ ಮಾಡುತಿರಲು ಬಹು ಮಹಿಮನಾದ *ವಿಜಯವಿಠ್ಠಲರೇಯಾ* |

ಮಹ ಸಂತೋಷದಲಿ ಬಾಹುಬಲದಿ ಮೆರೆದಾ ॥ 2 ॥

*ತ್ರಿವಿಡಿತಾಳ* 

ಈ ತೆರದಲಿ ಇಲ್ಲಿ ನರಹರಿ ಇರುತಿರೆ |

ಶ್ವೇತ ಮುನೇಶ್ವರ ಬಂದು ವೇಗ |

ತಾ ತಪವನೆ ಮಾಡಿ ಚಿತ್ತ ನಿರ್ಮಳದಲ್ಲಿ |

ಖ್ಯಾತ ಪಡೆದ ವರವಿನಿಂದ |

ಭೂತಳದೊಳಗಿದ್ದು ಅಂದಾರಭ್ಯವಾಗಿ |

ಶ್ವೇತಾರಣ್ಯ ಕಾಣೊ ನಾಮದಲ್ಲೀ |

ಭೀತಿಯಿಂದಲಿ ಭೃಗುನು ಇಲ್ಲಿ ತಪವನೆ ಮಾಡಿ |

ಪಾತಕ ಪರಿಹಾರ ಮಾಡಿಕೊಂಡ |

ಶ್ವೇತವಾಹನನಂದು ಯಾತ್ರಿ ಮಾಡುವಾಗ |

ನೀತಿಯಿಂದಲಿ ಇಲ್ಲೆ ಶುದ್ಧನಾದ |

ಭೂತಾಧಿಪನೆ ಬಲ್ಲ ಇದರ ಮಹಿಮೆಯನ್ನು |

ಪ್ರೀತಿಯಿಂದಲಿ ನಾರದಗರುಹಿದ |

ಮಾತುಳವೈರಿ ಸಿರಿ *ವಿಜಯವಿಠ್ಠಲ* ಮಾಂ - |

ಧಾತಾನಿಂದಲಿ ಪೂಜೆಗೊಂಡು ವರವನಿತ್ತ ॥ 3 ॥

*ಅಟ್ಟತಾಳ* 

ಶ್ವೇತ ಪುಷ್ಕರಣಿಯು ಭವನಾಶಿ ಭೃಗುತೀರ್ಥ |

ಶ್ವೇತವಾಹನ ವಶಿಷ್ಟ ನಾರದತೀರ್ಥ |

ಧಾತಾ ನರಸಿಂಗ ಇಂದ್ರಾದ್ಯಷ್ಟತೀರ್ಥ |

ಪಾತಕಹರ ಋಣಮೋಚನತೀರ್ಥ ಮ - |

ಹಾತಿಶಯವುಳ್ಳ ರಾಮ ಶಂಖಾಚಕ್ರ |

ಶ್ವೇತ ನಾನಾ ಚಂದ್ರ ಸೂರ್ಯತೀರ್ಥ |

ಅಷ್ಟೋತ್ತರ ತೀರ್ಥಗಳಲ್ಲಿ ಉಂಟು ಶು - |

ದ್ಧಾತುಮಾ ಬಂದೊಂದು ಮಜ್ಜನಮಾಡಲು |

ಜ್ಞಾತಿಗಳ ಕೂಡ ಸದ್ಗತಿ ಐದುವ |

ವಾತಾವಿನುತ ಸ್ವಾಮಿ *ವಿಜಯವಿಠ್ಠಲರೇಯಾ* |

ಮಾತೂಮಾತಿಗೆ ನೆನಿಸೆ ಒಲಿದು ಸಂಗಡ ಬಪ್ಪ ॥ 4 ॥

*ಆದಿತಾಳ* 

ಅರ್ಜುನ ನದಿಯಲ್ಲಿ ಸಜ್ಜನರ ಕೂಡ |

ಮಜ್ಜನವನ್ನು ಮಾಡಿ ಹೆಜ್ಜಿಹೆಜ್ಜಿಗೆ ನಿ - |

ರ್ಲಜ್ಯರಾಗಿ ಹರಿಯಾ ಗರ್ಜನೆಯಲಿ ನುಡಿದು |

ಮೂರ್ಜಗದೊಳು ಬಲು ಪೂಜ್ಯವಂತರಾಗಿ |

ಅರ್ಜುನ ಮರದೆಡಿಯಾ ಇಪ್ಪ *ವಿಜಯವಿಠ್ಠಲ* |

ನಿರ್ಜರಾಗಣದೊಡನೆ ಪಾಲಿಸುವಾ ಫಲವರಿತು ॥ 5 ॥

*ಜತೆ* 

ಖಾದ್ರಿ ಪುರಾನಿಲಯಾ ನರಶಿಂಗಾ ಭವಭಂಗ |

ಭದ್ರಾ ಮೂರುತಿ ಜನಾರ್ದನ *ವಿಜಯವಿಠ್ಠಲಾ* 

ನರಸಿಂಹ ಸುಳಾದಿ 

ನರಸಿಂಹ ವಜ್ರಸಿಂಹ

ಸರಸಿಜನಾಭಾ ದಕ್ಷಿಣ ಶರಾಧಿನಿವಾಸಾ ll ಪ ll

ಹಿರಣ್ಯಕಶ್ಯಪು ತಾ ಪ್ರಹ್ಲಾದನಾ ಬಾಧಿಸಲು

ಪರಿಯ ದೈವವೆ ಮೊರೆಹೋಗಲೂ

ಹಿರಿದಾಗಿ ಕೇಳಿ ಹಿತದಲಿ ಬಂದು ಬೊಬ್ಬಿಡಲು 

ಹಿರಣ್ಯಗರ್ಭಾದಿಗಳು ಹಿರಿದು ಚಿಂತಿಸಲೂ ll 1 ll

ಭುಗಿಲೆನೆ ಧಿಗಿಲೆನೆ ದಿಕ್ಕಿನೆಲಿ ಪ್ರತಿ ಶಬ್ದ ಪುಟ್ಟುತಿರೆ

ಪಗಲಿರುಳು ಒಂದೆಂದರು ಸಕಲರು

ಝಗಝಗಿಪ ಬೆಳಗು ಕವಿದದು ಮೂರು ಲೋಕಕ್ಕೆ

ಉಗುರು ಕೊನೆ ಪೊಗಳಿ ವೇದಗಳು ಬೆರಗಾಗಿ ll 2 ll

 ಕರುಳು ಕೊರಳಿಗೆ ಮಾಲೆ

ಇಕ್ಕಿ ಭಕ್ತಗೆ ಮೆಚ್ಚಿ ವರವನಿತ್ತಾ

ಕಕ್ಕಸದ ದೈವ ಅನಂತ ಪದುಮನಾಭ

ಮುಕ್ತಿದಾಯಕ ವಿಜಯವಿಠಲ ಮಹದಾ ll 3 ll

ಗುರುಗಳೇ

ಶ್ರುತಿತತಿಗೆ ದೂರ ಉನ್ನತಲೀಲ ಸಾಕಾರ ।

ಸತತ ಭಕ್ತರಾಧಾರ ಅಪ್ರಾಕೃತಶರೀರ ॥

ಯತಿಗಳ ಮನೋಹರ ಮತಿಗೆ ಅಗೋಚರ ।

ಪತಿತಪಾವನ ಸಿರಿಪತಿ *ವಿಜಯವಿಠ್ಠಲನ* ॥ 3 ॥

#ಸಾಗಿಬಾರಯ್ಯ #ಭವರೋಗದ #ವೈದ್ಯನೆ _ ,_ಶ್ರೀ #ವಿಜಯದಾಸರರಚನೆ , _#ರಾಗ #ಸಾವೇರಿ , #ಆದಿತಾಳ #mp3

 #fda #sda #clark #sad #dd #ad #jd #Working #Department #information 

_ ಸಾಗಿಬಾರಯ್ಯ ಭವರೋಗದ ವೈದ್ಯನೆ _ ,_ಶ್ರೀ ವಿಜಯದಾಸರ ರಚನೆ , _ರಾಗ ಸಾವೇರಿ , ಆದಿತಾಳ.mp3

https://youtu.be/c82yrqPDe6w?si=xvlbbhmb9PJUIKg1